بطريقه الى حد ما سهله
المقادير
نصف كيلو لحمة مفرومة
شوية بقدونس ناعمين
بصلة ونصف مبشورة
ملعقتين بقسماط
بصلتين كبار مقطعين حلقات
ملعقة صغيرة ملح وشوية فلفل اسود وشوية بهارات على شوية ارفة ناعمة
ملعقة سمنة
ملعقتين زيت لدهن الصينية
الطريقة :
توضع اللحمة المفرومة فى طبق غويط ونبشر عليها البصل وبعدين نضع كل البهارات والسمن والبقدونس و البقسماط
ونقلبها بيدينا جيدا
وبعدين نصبعها على يد معلقة ونكون مجهزين الصينية مدهونة بالزيت ومتقطع عليها حلقات البصل
وبعدين ندخلها الفرن فى الرف الوسط وتكون النار وسط يعنى مش عالية ومش حرارتها قليلة وسط
وبعد ما تنزل المية بتاعتها وتستوى ممكن تشغلى الشواية من فوق كى يحمر و شها
وتكونىولعتى فحمه على النار اول ما تطلعى الكفتة حطى الفحم فى النص وعليه نقطتين زيت وغطيها بأى غطا علشان تبقى اللكفته
بريحة الفحم.
ملحوظة
اثناء وهى فى الفرن
ممكن تحضرى سلطة طحينة وسلطة زبادى بالخيار والنعناع
وبالهنا والشفا
الثلاثاء يوليو 16, 2013 11:48 pm